തെറ്റോ ശരിയോ…!!!

തെറ്റോ ശരിയോ

എനിക്കറിയില്ല തന്നെ!

ആ രാത്രിയിൽ പിരിയുവാൻ

എന്നെ സമ്മതിച്ചതെന്തിനു നീ?

മറക്കുവതെങ്ങനെ ആ നിമിഷം

നിന്റെ ശബ്ദം അവസാനമായ്

കുളിരണിയിച്ച നിമിഷം.

തെറ്റോ ശരിയോ, എനിക്കറിയില്ല

        എന്റെ തലച്ചോർ പറഞ്ഞ-

        തിനെല്ലാം മൂളുമ്പോൾ നീ

        അറിഞ്ഞിരുന്നോ,

        ഹൃദയത്തെ ഞാൻ വഞ്ചിച്ചുവെന്ന്.!

        നീ മിണ്ടാതെ അകന്നു പോയപ്പോഴും

        തകരാതെ തളരാതെ ഞാൻ

        കാത്തു നിന്നു.

        തെറ്റോ ശരിയോ, എനിക്കറിയില്ല

        വീണ്ടും ഒരു നോക്ക്

        നിന്നെ കാണുവാനായ്

അത്മാവിനെ കുടിയിരുത്തി ഞാന-

യച്ച അക്ഷരങ്ങൾ

നീയൊരു വർണ്ണക്കടലാസിൽ പൊതിഞ്ഞ-

ലസമായി തിരിച്ചു  തന്നു.

ആ നിമിഷത്തിലാണു സഖി

ഞാൻ തോറ്റത്

എന്റെ ഹൃദയം നിലച്ചതും

ചോര തണുത്തുറഞ്ഞതും.

തെറ്റോ ശരിയോ, എനിക്കറിയില്ല

ഇപ്പോഴും ഞാനവിടെ കാത്തു നിൽക്കുന്നു

അനങ്ങുവാനാകാതെ തണുത്തുറഞ്ഞ്.